Presidenti sirian Ahmad al-Shara ka deklaruar se Siria është shumë pranë finalizimit të një marrëveshjeje sigurie me Izraelin, e cila po ndërmjetësohet nga Shtetet e Bashkuara. Në një intervistë për një gazetë turke, cituar në Siri, al-Shara tha se marrëveshja mund të nënshkruhet në ditët në vijim dhe do të jetë e ngjashme me marrëveshjen e vitit 1974, përcjell YNetNews.
Ai theksoi se kjo marrëveshje nuk përbën normalizim të marrëdhënieve dhe as anëtarësim të Sirisë në “Abraham Accords”.
“Siria di të luftojë, por nuk dëshiron më luftë. Siria nuk ka opsione të tjera përveçse të arrijë një marrëveshje sigurie me Izraelin,” u shpreh al-Shara.
Ky zhvillim tregon një ndryshim të mundshëm në marrëdhëniet e tensionuara mes dy vendeve, duke u përqendruar në sigurinë dhe stabilitetin, pa shkuar drejt normalizimit të plotë diplomatik.
