Sinodi i Hirshëm i Kishës Orthodhokse Autoqefale të Shqipërisë, i kryesuar nga Fortlumturia e Tij, Kryepiskopi i Tiranës, Durrësit dhe i Gjithë Shqipërisë, Joani, u mblodh sot në selinë e Qendrës Sinodike në Kryepiskopatën e Tiranës për të zhvilluar një seancë vendimtare mbi përzgjedhjen e udhëheqësve të rinj shpirtërorë të dy Mitropolive.
Pas një procesi unanim votimi, Sinodi vendosi:
Mitropolit i ri i Gjirokastrës u zgjodh Hirësia e Tij, Nathanaili, i cili deri tani ka shërbyer si Mitropolit i Amantias.
Ceremonia e fronëzimit do të mbahet më 20 shtator 2025, ora 11:00, në Kishën Katedrale të Ngjalljes së Krishtit në Gjirokastër.Mitropolit i ri i Korçës u zgjodh Hirësia e Tij, Anastasi, që më parë mbante detyrën e Episkopit të Krujës.
Ceremonia e fronëzimit do të zhvillohet më 27 shtator 2025, ora 11:00, në Kishën Katedrale të Ngjalljes së Krishtit në Korçë.
Këto zgjedhje sinodale vijnë në një moment të rëndësishëm për Kishën Orthodhokse në Shqipëri, ndërsa synohet fuqizimi i mëtejshëm i jetës shpirtërore dhe administrimit kishtar në të gjithë vendin.
