Kompania mëmë e Google, Alphabet, arriti një kapitalizim tregu prej 3 trilionë dollarësh për herë të parë të hënën, duke u mbështetur në optimizmin e ripërtërirë rreth inteligjencës artificiale dhe një vendimi të favorshëm antitrust.
Aksionet e Klasit A të kompanisë u rritën me 3.6% në 249.1 dollarë, ndërsa aksionet e Klasit C u rritën me 3.4% në 249.5 dollarë – të dyja u tregtuan në nivele rekord, shkruan Reuters.
Alphabet iu bashkua gjigantëve të tjerë të teknologjisë, Apple dhe Microsoft duke siguruar një vlerësim prej 3 trilionë dollarësh, ndërsa prodhuesi i çipave të inteligjencës artificiale Nvidia, kompania më e vlefshme në botë, krenohet me një kapitalizim tregu prej 4.25 trilionë dollarësh.
Nxitja më e fundit për Alphabet ishte një vendim nga një gjykatë amerikane që i lejoi kompanisë të mbante kontrollin e shfletuesit të saj Chrome dhe sistemit operativ celular Android, duke shënuar një çast vendimtar për kompaninë ,mbizotërimi i së cilës në ekosistemet e kërkimit dhe celularëve ka tërhequr prej kohësh vëmendje.
