Shtetet e Bashkuara kanë hyrë në një cikël shqetësues dhune politike. Vetëm gjatë vitit të kaluar, disa atentate të profilit të lartë kanë tronditur vendin.
Më poshtë është një listë e incidenteve
Atentati ndaj Donald Trump
Më 13 korrik 2024, kandidati i atëhershëm presidencial Donald Trump i mbijetoi një atentati gjatë një tubimi në Butler, Pensilvani. Sulmuesi, 20-vjeçari Thomas Mattheë Crooks, qëlloi disa herë, duke i prekur veshin Trump, duke vrarë një pjesëmarrës në tubim dhe duke plagosur disa të tjerë.
Personi që qëlloi u vra nga një ekip snajperësh që iu përgjigj zjarrit, megjithëse incidenti u quajt më vonë “i parashikueshëm dhe i parandalueshëm” nga një hetim i Senatit të SHBA-së, shkruan RT.
Vetëm dy muaj më vonë, më 15 shtator, Trump dyshohet se ishte shënjestra e një atentati të dytë kur një person pro-Ukrainës i armatosur rëndë u pa jashtë klubit të golfit të presidentit amerikan në ëest Palm Beach, Florida. I dyshuari, Ryan Routh, u arrestua nga Shërbimi Sekret.
Vrasja e Kryetares së Dhomës së Përfaqësuesve të Minesotës
Udhëheqësja demokrate e Minesotës, Melissa Hortman, dhe bashkëshorti i saj u qëlluan për vdekje në shtëpinë e tyre më 14 qershor 2025. Senatori i shtetit John Hoffman dhe gruaja e tij u plagosën në një sulm të ngjashëm po atë natë dhe shpëtuan për fije.
I dyshuari, Vance Luther Boelter, një 57-vjeçar me përvojë ushtarake dhe një të kaluar si kontraktor privat, u arrestua dhe u mor në paraburgim pas një kërkimi dyditor. Prokurorët pretendojnë se ai planifikoi dhe kreu vrasjen politike të synuar dhe kishte një listë me rreth 70 objektiva të tjerë.
Charlie Kirk vritet në Utah
Aktivisti konservator Charlie Kirk, një mbështetës i hershëm i Donald Trump, u vra më 10 shtator 2025 ndërsa mbante një fjalim në Universitetin e Utah. Aktivisti i krahut të djathtë u qëllua në qafë dhe vdiq nga plagët e marra në spital menjëherë pas sulmit.
Nuk janë publikuar hollësi rreth identitetit të të dyshuarit apo motivit të mundshëm.
Dhuna në Illinois
Më 18 dhjetor 2024, influencuesi i krahut të djathtë Nick Fuentes tha se një burrë i armatosur me pistoletë, hark dhe pajisje ndezëse u shfaq në shtëpinë e tij në Berëyn, Illinois, ndërsa ai po transmetonte drejtpërdrejt. Individi doli të ishte një i dyshuar për vrasje të trefishtë, i cili u qëllua dhe u vra nga policia pas një ndjekjeje, menjëherë pas takimit të tij me Fuentes.
