Sekretari amerikan i Shtetit Rubio njoftoi para pak ditësh përcaktimin e Los Choneros dhe Los Lobos si Organizata të Huaja Terroriste (FTO) dhe Terroristë Globalë të Caktuar Posaçërisht (SDGT).
Los Choneros dhe Los Lobos kanë sulmuar dhe kërcënuar zyrtarë publikë dhe familjet e tyre, personelin e sigurisë, gjyqtarët, prokurorët dhe gazetarët në Ekuador.
Si Los Choneros ashtu edhe Los Lobos janë të lidhur me FTO-të e përcaktuara nga SHBA-ja dhe SDGT-të Cártel de Sinaloa dhe Cártel de Jalisco Nueva Generación. Qëllimi i tyre përfundimtar është të kontrollojnë rrugët e trafikimit të drogës përmes Ekuadorit duke terrorizuar dhe duke shkaktuar dhunë brutale.
Në korrik, autoritetet amerikane dhe ekuadoriane bashkëpunuan për të ekstraduar udhëheqësin e Los Choneros, “Fito” Macias, i cili ishte shtetasi i parë ekuadorian i ekstraduar nga Ekuadori për t’u përballur me drejtësinë në Shtetet e Bashkuara, shkruan Borderland Beat.
“Shtetet e Bashkuara, në partneritet me Ekuadorin dhe presidentin e tij Daniel Noboa, do vijojnë të mbrojnë dy kombet tona duke mbajtur drogat e paligjshme larg rrugëve tona dhe duke ndërprerë rrjedhat e të ardhurave që financojnë terrorizmin dhe aktivitetin kriminal të karteleve të drogës”, thuhet në deklaratën e Departamentit të Shtetit.
FILE PHOTO: Ecuadorean presidential candidate Fernando Villavicencio waves an Ecuadorian flag as he attends a rally in Quito, Ecuador August 9, 2023. REUTERS/Karen Toro/File Photo
