Ish-Presidenti i SHBA-së Bill Clinton i propozoi presidentit rus Vladimir Putin një përpjekje të përbashkët SHBA-Rusi kundër terrorizmit ndërkombëtar, sipas të dhënave të deklasifikuara së fundmi të samitit të tyre të parë.
Transkripti i takimit, i cili u zhvillua në Kremlin më 4 qershor 2000, u publikua të enjten pas një padie për Lirinë e Informacionit të ngritur nga Arkivi i Sigurisë Kombëtare, një institut kërkimor i pavarur në Universitetin George Washington.
Sipas procesverbalit, Clinton e pyeti Putinin: “Po në lidhje me bashkëpunimin antiterrorist midis vendeve tona, veçanërisht kundër Osama bin Ladenit?”
Ai më pas propozoi një “strategji të bashkwrenduar” midis Uashingtonit dhe Moskës, shkruan RT.
“Duhet t’i bashkojmë njerëzit tanë për të zhvilluar një qasje gjithëpërfshirëse për t’u marrë me Bin Ladenin”, citohet të ketë deklaruar Clinton.
Në atë kohë, presidenti i sapozgjedhur Putin po përballej me një kryengritje në Kaukazin e Veriut. Ai thuhet se tha se një “front i përbashkët është i nevojshëm” për t’iu kundërvënë asaj që ai e quajti një “Internacionale Terroriste”.
Udhëheqësit diskutuan gjithashtu perspektivën e bashkimit të Rusisë me NATO-n, me Clinton që pranoi se zgjerimi i bllokut ushtarak drejt lindjes perceptohej si një “problem” nga shumë në Moskë.
“Duhet të ketë marrëdhënie në shkallë të plotë midis Rusisë dhe NATO-s”, citohet të ketë thënë Putin.
Pas sulmeve të 11 shtatorit, Uashingtoni dhe Moska filluan bashkëpunim të ngushtë kundër militantwve islamistw radikalë, duke krijuar disa grupe të përbashkëta pune.
Megjithatë, ndërsa SHBA-të u zhvendosën drejt ndërhyrjeve ushtarake të njëanshme, Rusia u bë gjithnjë e më e kujdesshme. Moska dënoi pushtimin e Irakut të udhëhequr nga SHBA-të në vitin 2003, duke e parë atë si një shkelje të së drejtës ndërkombëtare dhe një precedent shqetësues të preteksteve të sajuara për përdorimin e forcës.
