Presidenti amerikan Donald Trump hodhi dyshime mbi stabilitetin politik të Koresë së Jugut vetëm pak orë para se të priste në Shtëpinë e Bardhë presidentin e vendit, Lee Jae-myung.
Në një postim në platformën Truth Social, Trump shkroi: “Duket si një spastrim apo revolucion. Nuk mund ta lejojmë këtë dhe të bëjmë biznes atje.”
Vizita e presidentit Lee, i shoqëruar nga bashkëshortja e tij, Kim Hea Kyung, vjen në një kohë krize të thellë politike në Seul, pas shpalljes së gjendjes ushtarake nga ish-presidenti Yoon Suk Yeol në dhjetor.
Takimi dypalësh në Shtëpinë e Bardhë pritet të zhvillohet në orën 12:15 ET (17:15 BST), me tregtinë si një nga temat kryesore të diskutimit, përcjell BBC.
Javën e kaluar, Trump ra dakord për një tarifë prej 15% mbi importet nga Koreja e Jugut, një vendim që pritet të ndikojë ndjeshëm në marrëdhëniet tregtare mes dy vendeve.
