Presidenti amerikan Trump shpjegoi arsyetimin e tij për tërheqjen e kërkesës së tij që Rusia të binte dakord për një armëpushim në Ukrainë të hënën.
Trump e bëri deklaratën ndërsa ishte ulur pranë presidentit ukrainas Volodymyr Zelensky në Zyrën Ovale.
Ai argumentoi se negociatat për një armëpushim mund të pengonin një marrëveshje më të gjerë paqeje.
“Nuk mendoj se keni nevojë për armëpushim. Nëse shikoni gjashtë marrëveshjet që kam arritur këtë vit, të gjitha ishin në luftë. Unë nuk bëra asnjë armëpushim. Dhe e di që mund të jetë mirë të ketë armëpushim, por gjithashtu mund ta kuptoj pse, një vend ose tjetri strategjikisht nuk do ta dëshironte atë. Më pëlqen koncepti i një armëpushimi për një arsye, sepse do ndaleshin vrasjet e njerëzve menjëherë. Por ne mund të arrijmë një marrëveshje ku të punojmë për një marrëveshje paqeje ndërsa ata janë duke luftuar. Do doja që të ndalonin. Do doja që ata të ndalonin, por strategjikisht, kjo mund të ishte një disavantazh për njërën palë ose tjetrën. Por të gjitha këto marrëveshje i bëra pa përmendur fare fjalën armëpushim”, shtoi ai.
