Berisha: Moszbatimi i vendimit të Gjykatës për News24 dëshmon tmerrin e Ramës dhe Ballukut nga dosjet kriminale

Kreu i Partisë Demokratike, Sali Berisha, ka reaguar ndaj moszbatimit të vendimit të Gjykatës së Tiranës për lejimin e gazetarëve të News24 të hyjnë në godinë.

Sipas Berishës, ky veprim përbën një akt të rëndë antikushtetues dhe lidhet me, siç ai thotë, frikën e  Ballukut dhe bashkëpunëtorëve të saj nga dosjet komprometuese që ndodhen në pajisjet e gazetarëve.

“Urdhri i Ramaduros për moszbatimin e vendimit të Gjykatës është një akt i rëndë antikushtetues. Ky urdhër dëshmon tmerrin e tij, vëlla Olsit dhe Lubi Ballukut nga dosjet e tyre kriminale në laptop-et e gazetarëve të News24. Dënoj me forcën më të madhe këtë veprim dhe kërkoj zbatimin e menjëhershëm të vendimit të Gjykatës,” – tha Berisha.