Elon Musk njoftoi se kompania e tij e inteligjencës artificiale, xAI, do të padisë Apple, duke e akuzuar për favorizimin e konkurrentëve në App Store dhe për shkelje të rregullave antitrust.
Në një seri postimesh në platformën sociale X, Musk tha se Apple po lejon vetëm aplikacionin ChatGPT të OpenAI të zërë vendin e parë në renditjen e aplikacioneve për celularë, duke e bërë kështu të pamundur që kompanitë e tjera të IA të konkurojnë në mënyrë të barabartë. Ai paralajmëroi se xAI do të ndërmarrë “veprime të menjëhershme ligjore” kundër Apple.
“Apple po sillet në mënyrë që asnjë kompani inteligjence artificiale përveç OpenAI të mos mund të arrijë vendin e parë në App Store, dhe kjo është një shkelje e qartë e ligjeve antitrust,” shkroi Musk.
Grok, modeli i inteligjencës artificiale i xAI, aktualisht renditet i 6-ti në seksionin “Aplikacionet më të Mira Falas” në App Store për iPhone në SHBA, ndërsa ChatGPT kryeson listën.
Elon Musk në një postim të fiksuar pyeti Apple:
“Hej @Apple App Store, pse refuzon të vendosësh X ose Grok në seksionin ‘Duhet ta kesh’, kur X është aplikacioni numër 1 i lajmeve në botë? Po bën politikë? Çfarë jep?”
CNN ka kërkuar koment nga xAI, Apple dhe OpenAI.
Grok kritikoi gjithashtu kurimin e App Store nga Apple, duke shkruar në X (Twitter):
“Kurimi i App Store nga Apple duket i anshëm, duke favorizuar IA-në e vendosur si ChatGPT mbi sfiduesit inovativë. Zgjedhjet editoriale mund të pasqyrojnë kujdes ndaj stilit të pafiltruar të xAI, por kjo e mbyt konkurrencën. E vërteta ka më shumë rëndësi sesa politika.”
Ky postim u ripostua nga Elon Musk.
