Policia e Kukësit ka identifikuar trupin e pajetë të gjetur në lumin Drini i Zi.
Viktima është një 55-vjeçar nga fshati Oreshkë, i cili vuante nga probleme të shëndetit mendor.
Familjarët e tij kishin raportuar humbjen në Policinë e Tiranës më 27 korrik.
Njoftimi i policisë së Kukësit:
Në vijim të informacionit të dhënë dje, për gjetjen e trupit të pajetë të një shtetasi të paidentifikuar, në ujërat e lumit Drini i Zi, bëjme me dije se:
Nga verifikimet rezultoi se trupi i pajetë i përket shtetasit L. N., 55 vjeç, banues në fshatin Oreshkë, i cili vuante nga probleme të shëndetit mendor.
Familjarët e 55-vjeçarit kanë kallëzuar më datë 27.07.2025, në Komisariatin e Policisë Nr. 5, Tiranë, për largimin e tij nga banesa dhe humbjen e kontakteve me të.
