Deputetët e Dumës Shtetërore ruse, ratifikuan protokollin për bërjen e ndryshimeve në traktatin e 25 dhjetorit 1998, midis Federatës Ruse dhe Republikës së Bjellorusisë mbi të drejtat e barabarta të qytetarëve. Dokumenti iu dorëzua Dumës Shtetërore nga presidenti Putin.
Sipas dokumentit, qytetarët e republikës ruse që banojnë përgjithmonë në territorin e Bjellorusisë do kenë të drejtën për të votuar dhe për t’u zgjedhur në organet e vetëqeverisjes lokale të Bjellorusisë.
Qytetarët e Bjellorusisë që banojnë përgjithmonë në Rusi do marrin gjithashtu një të drejtë të ngjashme. Protokolli u nënshkrua nga presidentët Putin dhe Lukashenko më 13 mars 2025, në Moskë.
