Avionët luftarakë izraelitë nisën sulme ajrore duke synuar Suwaydan në Sirinë jugore dhe Daraan në jugperëndim të vendit. Agjencia shtetërore e lajmeve të Sirisë, SANA, raportoi sulme të shumta nga ushtria izraelite në Suwaydan me shumicë druze, por nuk dha hollësi rreth viktimave.
Radioja Ushtarake e Izraelit raportoi gjithashtu një sulm ndaj një tanku sirian pasi hyri në qytetin Suwayda. SANA tha se avionët luftarakë izraelitë kryen gjithashtu sulme ajrore në periferi të qytetit Izra në fshatin Daraa, shkruan Anadolu Agency.
Një deklaratë ushtarake izraelite tha se kryeministri Netanyahu udhëzoi ushtrinë të godiste forcat siriane dhe automjetet ushtarake në Suwayda.
“Ushtria goditi disa automjete të blinduara luftarake të përbëra nga tanke, autoblinda dhe MLRS, si dhe rrugë hyrëse, me qëllim që të pengonte mbërritjen e karvaneve në zonë”, tha deklarata.
Të martën në mëngjes, ministri sirian i Mbrojtjes Murhaf Abu Qasra njoftoi një armëpushim të plotë në Suëayda pas negociatave me udhëheqësit e komunitetit lokal, shkruan Anadolu Agency.
Sipas SANA-s, ushtria siriane ka filluar tërheqjen e pajisjeve të rënda ushtarake nga Suwayda, duke u përgatitur për dorëzimin e lagjeve të qytetit te forcat e sigurisë së brendshme përgjegjëse për ruajtjen e rendit dhe ligjit.
Të hënën, më shumë se 30 persona u vranë dhe gati 100 të tjerë u plagosën në përleshjet midis luftëtarëve të armatosur fisnorë beduine dhe milicive druze në Suwayda, tha Ministria e Brendshme e Sirisë.
