Një 44-vjeçar i shpallur në kërkim ndërkombëtar është arrestuar nga Policia Kufitare në Pikën Kufitare të Hanit të Hotit, në kuadër të operacionit policor të koduar “The Wanted”.
Shtetasi Lazër Vladaj, i njohur edhe me identitetin Cristian Manea, banues në Shkodër, u kap në tentativë për të dalë nga territori shqiptar.
Ai ishte shpallur në kërkim ndërkombëtar nga autoritetet italiane, pasi Gjykata e Apelit e Peruxhias e ka dënuar me 5 vjet e 6 muaj burg për veprën penale “Shfrytëzim prostitucioni në bashkëpunim”.
Interpol Tirana është në proces bashkëpunimi me Interpol Romën për përfundimin e procedurave të ekstradimit të Vladajt drejt Italisë, ku ai do të vuajë dënimin.
Njoftimi
Arrestohet një 44-vjeçar i shpallur në kërkim ndërkombëtar, i dënuar nga autoritetet italiane për shfrytëzim prostitucioni në bashkëpunim.
Si rezultat i masave të shtuara në kuadër të kontrolleve në pikat kufitare dhe i shkëmbimit të informacionit mes Policisë Kufitare dhe Interpol Tiranës, në kuadër të operacionit policor të koduar “The Wanted”, në PKK Hani i Hotit, në tentativë për të dalë nga Shqipëria, u bë kapja dhe arrestimi me qëllim ekstradimi, i shtetasit:
Lazër Vladaj, alias Cristian Manea, 44 vjeç, banues në Shkodër.
Ky shtetas ishte i shpallur në kërkim ndërkombëtar, pasi Gjykata e Apelit e Peruxhias, në Itali, e ka dënuar me 5 vjet e 6 muaj burgim, për veprën penale “Shfrytëzim prostitucioni në bashkëpunim”, parashikuar nga Kodi Penal italian.
Interpol Tirana po bashkëpunon me Interpol Romën, për përfundimin e procedurave të ekstradimit të tij drejt Italisë.
