Shefja e Komisionit Evropian Von der Leyen i bëri thirrje Hungarisë që të lejojë paradën LGBTQ në kryeqytetin e vendit Budapest ndërkohë që shprehu mbësshtetjen e fortë për komunitetin.
Në një videomesazh drejtuar organizatave LBGTQ ajo tha se Brukseli dhe ajo vetë është aleatja e tyre më e mirë. Von der Leyen tha gjithashtu se BE-ja është ngritur mbi vlerat e lirisë së gjithësecilit dhe se çdo vend anëtar duhet t’i respektojë ato, shkrian Euronews.
Ajo theksoi se parade duhet të zhvillohet pa frikën e ndonjë dënimi penal apo administrativ nga qeveria.
“Dua të shpreh mbështetjen dhe solidaritetin tim të plotë për Paradën e Krenarisë së Budapestit dhe komunitetin LGBTIQ+ në Evropë, të marshosh për të drejtat e tua është një liri themelore. Ke të drejtë të duash atë që dëshiron të duash. Dhe të jesh pikërisht ai që je. Bashkimi ynë është ai i barazisë dhe mosdiskriminimit. Këto janë vlerat tona thelbësore të sanksionuara në traktatet tona, ato duhet të respektohen në çdo kohë në të gjitha shtetet anëtare. U bëj thirrje autoriteteve hungareze që të lejojnë që Parada e Krenarisë së Budapestit të zhvillohet pa frikën e ndonjë krimineli apo sanksioni administrativ kundër organizatorëve ose pjesëmarrësve. I drejtohem komunitetit LGBTIQ+ në Hungari dhe më gjerë: Unë gjithmonë do jem aleatja juaj. Keni çdo arsye për të qenë krenarë. Evropa është më e fortë dhe më e pasur falë jush. Jam në anën tuaj sot dhe çdo ditë.”
Në një ligj të miratuar në pranverë, parlamenti hungarez ndaloi ngjarjet publike që konsiderohen si shkelje të Aktit të Mbrojtjes së Fëmijëve, i cili kufizon rëndë përshkrimet e homoseksualitetit dhe ndryshimit të gjinisë për fëmijët nën moshë.
Teksti u lejon autoriteteve të përdorin mjete për njohjen e fytyrës për të identifikuar njerëzit që organizojnë dhe marrin pjesë në ngjarje të ndaluara, duke çuar në gjoba deri në 200,000 forinta hungareze (485 euro). Nëse nuk paguhen, gjobat mund të mblidhen si taksa.
Bazuar në ligj, policia më vonë ndaloi festimin e paradës LGBTQ të Budapestit sepse do zhvillohej “në prani të personave nën 18 vjeç”. Qeveria sugjeroi që mund të mbahej alternativisht në një vend të mbyllur, si një stadium.
Kryebashkiaku liberal i Budapestit, Gergely Karacsony, përdori një ton sfidues dhe njoftoi festimin e një eventi ombrellë të quajtur “Dita e Lirisë” për të anashkaluar ndalimin.
“Bashkia e qytetit të Budapestit do organizojë marshimin e Budapestit Krenary si një ngjarje lokale më 28 qershor. Pikë,” tha Karacsony javën e kaluar.
