Presidenti turk, Tayyip Erdoğan, në Samitin e NATO-s në Hagë, ka bërë thirrje për një armëpushim të përhershëm midis Iranit dhe Izraelit, si dhe për një ndërprerje të menjëhershme të luftës në Gazë për të adresuar krizën humanitare, përcjell Reuters.
Erdoğan vlerësoi armëpushimin e arritur me ndërmjetësimin e presidentit amerikan Trump, dhe theksoi se kjo situatë e vazhdueshme paqeje duhet të shndërrohet në një normalitet të qëndrueshëm.
Ai shprehu shqetësimin për rritjen e tensioneve pas konfrontimeve Izrael-Iran, duke theksuar nevojën urgjente për të mos neglizhuar tragjedinë humanitare në Gaza.
Në takime me liderët e Francës, Gjermanisë, Britanisë dhe SHBA-së, Erdoğan përmendi rëndësinë e zgjidhjeve diplomatike për çështjen Irano-Amerikane dhe theksoi rolin e komunitetit ndërkombëtar në ruajtjen e paqes në Lindjen e Mesme.
Një nga mesazhet kryesore të tij ishte: “Armëpushimi i arritur nuk duhet të mbetet vetëm një gjendje faktike; ai duhet të shndërrohet sa më shpejt në një qetësi të qëndrueshme dhe të përfshirë edhe Gazën”.
