Mediat iraniane raportuan të mërkurën se numri i të vdekurve nga sulmet ajrore izraelite në Teheran dhe zona të tjera të populluara është rritur në 585, me të paktën 1,326 persona të plagosur që nga fillimi i sulmeve javën e kaluar, shkruan AA.
Tensionet rajonale janë përshkallëzuar që nga e premtja, kur Izraeli nisi sulme ajrore në shumë vende në të gjithë Iranin, duke përfshirë objekte ushtarake dhe bërthamore, duke e shtyrë Teheranin të nisë sulme hakmarrëse.
Autoritetet izraelite thanë se të paktën 24 persona janë vrarë dhe qindra të tjerë janë plagosur që atëherë në sulmet me raketa iraniane.
