Qindra protestues të maskuar sulmuan policinë dhe i vunë flakën shtëpive dhe makinave në qytetin Ballymena të Irlandës Veriore të martën, në natën e dytë radhazi të trazirave që pasoi një protestë për një sulm të dyshuar seksual në qytet.
17 oficerë u plagosën, duke e çuar në 32 numrin e të lënduarve që nga fillimi i dhunës të hënën pas një proteste të madhe për një sulm të dyshuar seksual në qytet, shkruan CNN.
Dy djem 14-vjeçarë u paraqitën në gjykatë atë ditë, të akuzuar për sulm seksual ndaj një vajze adoleshente. Akuzat iu lexuan adoleshentëve nëpërmjet një përkthyesi rumun, raportoi BBC. Një avokat i tha gjykatës se dy adoleshentët e mohuan akuzën. Ata u mbajtën në paraburgim deri më 2 korrik.
Policia po heton sulmet ndaj pronave të hënën, ku katër shtëpi u dëmtuan nga zjarri, si “krime urrejtjeje” të motivuara nga racizmi.
Pesë persona u arrestuan me dyshimin për sjellje të trazuara në Ballymena, që ndodhet 45 kilometra nga kryeqyteti Belfast.
Policia e lidhi rritjen me protestat masive kundër emigracionit në provincë dhe në të gjithë Mbretërinë e Bashkuar në fillim të gushtit, pas një sulmi me thikë në në Southport të Anglisë në korrik 2024, kur një adoleshent me prejardhje nga Ruanda goditi për vdekje tre fëmijë dhe plagosi tetë të tjerë.
