Sekretari i Shtetit i SHBA-së, Marco Rubio, tha se vetëm bisedimet e drejtpërdrejta midis presidentit të SHBA-së, Donald Trump , dhe presidentit rus, Vladimir Putin, mund të sjellin një marrëveshje armëpushimi në Ukrainë.
“Asgjë nuk do të ndodhë derisa Presidenti Trump të ulet përballë… Vladimir Putinit dhe… ta vendosë çështjen në tryezë”, tha Rubio të enjten përpara bisedimeve të planifikuara midis delegacioneve ukrainase dhe ruse në Turqi të premten.
“Mendoj se kjo është e vetmja mundësi që kemi për paqe në këtë pikë, duke pasur parasysh gjithçka që kemi parë gjatë javëve të fundit”, tha Rubio për Fox News , duke përsëritur komentet që kishte bërë më herët gjatë ditës.
Trump bëri vërejtje të ngjashme të enjten.
“Asgjë nuk do të ndodhë derisa unë dhe Putini të takohemi, në rregull?” u tha Trump gazetarëve në ditën e fundit të vizitës së tij në Lindjen e Mesme./DW
