Drejtoria Vendore e Policisë Berat ka angazhuar gjithsej 293 punonjës policie për të siguruar 6 KZAZ-të dhe 275 qendrat e votimit në territorin e qarkut. Pas përfundimit të procesit të dorëzimit të materialeve zgjedhore, punonjësit e Policisë kanë mbërritur në qendrat e votimit në orën 18:00 të ditës së sotme dhe kanë marrë në ruajtje të gjitha objektet zgjedhore.
Procesi i ruajtjes do të vijojë gjatë natës, deri në mëngjesin e ditës së nesërme, kur Komisionet e Qendrave të Votimit dhe Komisionet Zonale të Administrimit Zgjedhor do të fillojnë punën.
Deri tani, situata e rendit dhe sigurisë publike në qarkun e Beratit është e qetë dhe pa probleme.
