Një valë stuhish pluhuri dhe moti të paqëndrueshëm përfshiu disa vende arabe të hënën, duke shkaktuar paralajmërime zyrtare për shikueshmëri të ulët dhe duke u kërkuar banorëve të shmangin aktivitetet në natyrë dhe ato në det.
Kushtet e turbullta, të nxitura nga erërat e forta që bartin pluhur dhe mbeturina, pritet të vijojnë edhe të martën dhe ndoshta deri në fund të javës në Emiratet e Bashkuara Arabe, Arabi Saudite, Katar, Kuvajt, Siri dhe Irak, sipas autoriteteve meteorologjike.
Në Emiratet e Bashkuara Arabe, Qendra Kombëtare e Meteorologjisë raportoi dy valë pluhuri që do preknin rajonin, njëra që prek Gjirin Arabik lindor dhe verior dhe një tjetër që goditi Sirinë, Irakun dhe Arabinë Saudite veriore, duke shkaktuar ulje të ndjeshme të dukshmërisë.
Qendra parashikoi erëra aktive veriperëndimore që nxisin pluhur dhe ulin dukshmërinë në gjithë Emiratet e Bashkuara Arabe për dy ditët e ardhshme, me temperaturat që do bien deri të mërkurën, shkruan AA.
Qendra Kombëtare e Meteorologjisë e Arabisë Saudite lëshoi alarme përmes X-paralajmërimit për erëra mepluhur që do vijojnë deri në mëngjesin e së martës në disa rajone.
Qendra shënoi një alarm të verdhë të nivelit të ulët për shi të lehtë, erëra aktive dhe dukshmëri të reduktuar në Al Baha, së bashku me grimcat e pluhurit në Riad dhe Qassim.
Meka dhe Medina gjithashtu përballen me erëra aktive, ndërsa alarmet në nivel portokalli në Riad dhe Provincën Lindore paralajmëruan për grimcat e pluhurit.
Departamenti i Meteorologjisë së Katarit lëshoi një paralajmërim detar në X, duke parashikuar erëra të forta dhe dallgë të larta duke filluar nga e marta dhe do të zgjasin deri në fundjavë. Ai këshilloi kundër aktiviteteve detare gjatë kësaj periudhe.
Në Kuvajt, qendra meteorologjike postoi një këshillë në X duke paralajmëruar për erëra aktive dhe pluhur nga e hëna deri të martën në mëngjes.
