Agjencia për Mbrojtjen e Mjedisit k mbyllur 20 miliardë dollarë grante të dhëna nga administrata Biden për projektet e klimës dhe energjisë së pastër, njoftoi administratori Lee Zeldin.
Në një video të postuar në X, Zeldin tha se 20 miliardë dollarë të taksapaguesve ishin “parkuar në një institucion financiar të jashtëm në një përpjekje të qëllimshme për të kufizuar mbikëqyrjen e qeverisë, duke shpërndarë paratë tuaja përmes vetëm tetë OJQ-ve të lidhura politikisht, të pakualifikuara dhe në disa raste, krejt të reja”.
Paratë janë ngrirë, tha ai, duke vënë në dukje se Departamenti i Drejtësisë dhe FBI po hetojnë, shkruan Fox.
Programi, i miratuar nga Kongresi sipas Aktit të Reduktimit të Inflacionit të vitit 2022, më parë njihej si Fondi i Reduktimit të Gazit Serrë, por më shpesh quhet “banka e gjelbër”. Dy nisma, përkatësisht me vlerë 14 miliardë dhe 6 miliardë dollarë, synonin të ofronin grante për organizatat jofitimprurëse, bankat e zhvillimit të komunitetit dhe grupe të tjera për projekte që përqendrohen në komunitetet e pafavorizuara.
Tetë organizatat jofitimprurëse që iu dhanë paratë përfshinin Koalicionin për Kapitalin e Gjelbër, Fondin e Bashkuar të Klimës, Komunitetet Power Forward, Opportunity Finance Network, Inclusiv dhe Justice Climate Fund. Këto organizata kanë bashkëpunuar me grupe të ndryshme, duke përfshirë Reëiring America, Habitat for Humanity dhe Community Preservation Corporation.
Në videon e tij, Zeldin citoi raporte se Power Forward Communities, një grup i lidhur me demokraten Stacey Abrams, mori 2 miliardë dollarë pasi raportoi vetëm 100 dollarë në të ardhura totale një vit më parë.
Ai tha gjithashtu se drejtori themelues i programit të EPA-s i ndau 5 miliardë dollarë ish-punëdhënësit të tij pasi punoi në legjislacionin që krijoi programin nga roli i tij në Shtëpinë e Bardhë.
“Këta dy shembuj janë vetëm maja e ajsbergut,” tha Zeldin.
“Unë jam këtu për t’i raportuar përsëri popullit amerikan se, që nga sot, unë i kam përfunduar zyrtarisht plotësisht këto marrëveshje.”
Zeldin tha se “mënyra e vetme” për të pakësuar shpërdorimet, për të rritur mbikëqyrjen dhe për të përmbushur qëllimin e ligjit siç ishte shkruar është ndërprerja e granteve. Ai tha se”angazhimi i tij” ndaj Presidentit Donald Trump, Kongresit dhe popullit amerikan është i palëkundur.
