Fronti Popullor, Aleanca e Krahut të Majtë fitoi shumicën e vendeve në zgjedhjet legjislative franceze duke mposhtur të djathtën ekstreme.
Sipas rezultateve zyrtare të dala hënë, të tre blloqet kryesore nuk i plotësuan 289 vendet e nevojshme për të kontrolluar Asamblenë Kombëtare me 577 vende.
Sipas rezultateve koalicioni i majtë i Frontit të Ri Popullor siguroi 180 vende në Asamblenë Kombëtare me 577 vende, më shumë se 160 për aleancën e Ansamblit të Macron dhe 143 për ekstremin e djathtë të Marine Le Pen dhe aleatët e saj dhe 60 vende për republikanët konservatorë.
Të gjithë sytë do të jenë te Macron, i cili thirri këto zgjedhje të parakohshme dhe duhet ende të japë përgjigjen e tij ndaj realiteteve të reja politike.
“Vendi ynë po përballet me një situatë politike të paprecedentë dhe po përgatitet të mirëpresë botën brenda pak javësh”, tha kryeministri Gabriel Attal, i cili planifikon të jap dorëheqjen.
Me Olimpiadën e Parisit në prag, Attal tha se ishte gati të qëndronte në postin e tij “për aq kohë sa kërkon detyra”. Macronit i kanë mbetur edhe tre vjet në mandatin e tij presidencial.
Attal e bëri më të qartë se kurrë mosmiratimin e tij ndaj vendimit tronditës të Macron për të thirrur zgjedhjet, duke thënë “Unë nuk zgjodha këtë shpërbërje” të Asamblesë Kombëtare që po largohej, ku aleanca qendrore e presidentit dikur ishte grupi i vetëm më i madh, megjithëse pa një shumicë absolute.
Pas daljes së rezultateve njerëzit filluan të festonin. Në sheshin Stalingrad të Parisit, mbështetësit e të majtë festuan duke brohoritur, shkruan AP
