Një aksident ka ndodhur në orët e para të mëngjesit të sotëm në qytetin e Fierit.
Mësohet se në afërsi të karburant “Braka Oil” një automjet tip “Fiat” ka përplasur një këmbësore, e cila ka mbetur e plagosur.
Gruaja është dërguar në spital për të marrë ndihmën mjekësore.
Identiteti i saj nuk bëhet i ditur, ndërsa njoftohet se ndodhet në gjendje të rëndë shëndetësore.
Policia ka shoqëruar drejtuesin e mjetit me inicialet N.T, 50 vjeç, dhe po merret në pytetje.
“Në datë 07.11.2018, rreth orës 05:45, në aksin rrugor Fier-Patos , në afërsi të karburant “Braka Oil”, shtetasi N.T, 50 vjeç, duke drejtuar mjetin tip “Fiat” ka goditur një këmbësore. Shtetasja e dëmtuar ndodhet në Spitalin Rajonal Fier në gjendje të rëndë shëndetësore.
Shtetasi N.T është shoqëruar në Komisariatin e Policisë Fier. Grupi hetimor po punon për zbardhjen e rrethanave të ngjarjes dhe identifikimin e shtetases së aksidentuar”, thuhet në njoftimin e policisë.
