Pronari i OnlyFans, Leonid Radvinsky, ka vdekur nga kanceri në moshën 43-vjeçare, njoftoi kompania të hënën. Sipërmarrësi ukrainaso-amerikan bleu Fenix International, kompaninë që zotëron dhe operon platformën britanike të transmetimit pornografik, në vitin 2018.
Ai mbeti drejtor dhe aksioneri mazhoritar i kompanisë. Radvinsky paguhej rregullisht me një nga dividendët më të mëdhenj nga një kompani private në Mbretërinë e Bashkuar, ku OnlyFans mbeti me seli edhe pas blerjes prej tij.
“Jemi thellësisht të pikëlluar të njoftojmë vdekjen e Leo Radvinsky-t. Leo u nda nga jeta paqësisht pas një beteje të gjatë me kancerin,” tha kompania në një deklaratë.
Kompania pagoi një shifër rekord prej 701 milionë dollarësh në dividendë vitin e kaluar. Radvinsky kishte qenë në bisedime për një shitje të mundshme shumë miliarda dollarëshe të platformës së transmetimit, e cila përdoret nga punonjësit e seksit dhe personazhet e famshëm për të rënë në kontakt me audiencën e tyre, shkruan Financial Times.
