Presidenti i SHBA-ve, Donald Trump, njoftoi se përveç fondeve që do të mbledhin shtetet pjesëmarrëse, disa vende, përfshirë Shqipërinë dhe Kosovën, do të kontribuojnë me trupa dhe forca policore për të mbikëqyrur situatën në Gaza.
Ai theksoi se qëllimi kryesor është sigurimi i paqes dhe shpëtimi i jetëve, duke bërë thirrje që të gjitha vendet e rajonit, përfshirë Iranin, të mos bëjnë destabilizime.
Trump njoftoi gjithashtu se janë angazhuar edhe Japonia, Kina dhe Rusia për mbledhjen e fondeve, ndërsa FIFA do të ndihmojë në mbledhjen e 77 miliardë eurove për rindërtimin e Gazës.
“Kemi një përgjigje shumë të mirë nga Europa. Kemi një lidhje shumë të mirë me Europën dhe NATO-n. Norvegjia ka rënë dakord që të presë një event që do të presë Bordin e Paqes.
Mendova që do të me jepnin Çmim Nobel për Paqen, kjo është më pak entuziaste, por nuk më intereson për çmime por për paqen.
Kam një aftësi për të ndaluar luftëra dhe do e përdor këtë aftësi. Dua që të shpëtoj jetë dhe nuk më intereson për çmime. 2 miliardë dollarë fonde për Gazën.
Japonia ka premtuar që do të organizojë për të mbledhur fonde, Kina do të jetë e përfshirë, mendoj që edhe Rusia do të jetë dakord. FIFA do të ndihmojë për të mbledhur 77 miliardë euro për Gazën, mendoj që ka të bëjë me fushat
Së shpejti do të njoftojmë detajet dhe nëse mundem së shpejti do të shkoj atje.
Kombet që janë këtu sot, nuk do të mbledhin thjesht para, por disa do të dërgojnë persona për të mbikëqyrur dhe siguruar një paqe të sigurt në Gaza. Indonezia shumë faleminderit.
Maroku faleminderit shumë. Shqipëria, Kosova, Kazakistani të gjithë kanë premtuar trupa dhe polici në Gaza. Mendoj që do të kemi disa njerëz shumë të mirë në atë forcë policie.
Të gjitha këto vende po punojnë për një vizion që ka të bëjë me paqen në Lindjen e Mesme. Tani është koha për Iranin që të na bashkohet. Nuk duhet të bëjnë destabilitetin në rajon. Nëse nuk arrihet marrëveshja gjëra shumë të këqija do të ndodhin”, tha Trump.
