Eurodeputeti Fredi Beleri i është drejtuar Gjykata Kushtetuese e Shqipërisë për të kundërshtuar vendimin e Gjykata e Posaçme Kundër Korrupsionit dhe Krimit të Organizuar, e cila e dënoi me 2 vite burg për veprën penale “korrupsion aktiv në zgjedhje”, si dhe vendimin e Gjykata e Lartë e Shqipërisë që e la në fuqi këtë dënim. Relator i çështjes në Kushtetuese do të jetë gjyqtari Asim Vokshi.
Ish-kryebashkiaku i Himarës u arrestua më 12 maj, dy ditë përpara mbajtjes së zgjedhjeve vendore, dhe më 5 mars 2024 u shpall fajtor nga GJKKO, e cila i dha një dënim me 2 vite heqje lirie, vendim që u konfirmua edhe nga Apeli i Posaçëm.
Si bashkëpunëtor në këtë çështje u dënua edhe Pandeli Kokaveshi me 1 vit e 6 muaj burg, por masa ndaj tij u pezullua duke u zëvendësuar me shërbim prove për një periudhë trevjeçare.
Beleri e ankimoi vendimin në Gjykatën e Lartë, por kjo e fundit e la në fuqi dënimin me burg. Pas rreth 16 muajsh qëndrimi në qeli, ai u lirua me kusht, me argumentin se kishte shlyer dy të tretat e dënimit të dhënë.
Gjatë kohës që vuante dënimin në Shqipëri, Beleri mori mbështetje nga autoritetet zyrtare në Athinë dhe në qershor të këtij viti u zgjodh eurodeputet nën siglën e Demokracia e Re, partia e kryeministrit Kyriakos Mitsotakis. Në muajin korrik, ai bëri betimin në Strasburg, me leje të autoriteteve shqiptare.
