Kryeministri grek Kyriakos Mitsotakis i bëri thirrje Turqisë të mërkurën që të largojë çdo kërcënim ndaj marrëdhënieve greko-turke.
Duke folur në Ankara gjatë bisedimeve me Presidentin turk Recep Tayyip Erdogan, si pjesë e Këshillit të 6-të të Lartë të Bashkëpunimit, Mitsotakis tha: “Është koha për të larguar çdo kërcënim nga marrëdhëniet tona. Nëse jo tani, kur?”
Ai gjithashtu ripohoi qëndrimin e Greqisë për pakicat, përfshirë pakicën myslimane të Thrakës, sipas Traktatit të Lozanës, duke bërë thirrje që ato të shërbejnë si “ura miqësie mes popujve tanë”.
Erdogan, nga ana e tij, i përshkroi mosmarrëveshjet në Egje dhe Mesdheun Lindor si “komplekse, por jo të pazgjidhshme nëse ka vullnet për dialog”.
Presidenti turk theksoi se pjesëmarrja e Turqisë në iniciativat evropiane të mbrojtjes “u shërben interesave të përbashkëta” dhe nënvizoi rëndësinë e mbajtjes së “kanaleve të dialogut të hapura” mes dy vendeve.
Presidenti turk Recep Tayyip Erdogan tha të mërkurën se mosmarrëveshjet në Egje dhe Mesdheun Lindor, “megjithëse komplekse, nuk janë të pazgjidhshme nëse ka vullnet për dialog”.
Vërejtjet e tij erdhën pas bisedimeve me Kryeministrin grek Kyriakos Mitsotakis në Ankara, të mbajtura në kuadër të Këshillit të 6-të të Lartë të Bashkëpunimit. Të dy udhëheqësit theksuan dialogun, stabilitetin dhe bashkëpunimin pragmatik si bazën për përmirësimin e marrëdhënieve dypalëshe, shkruan Ekathimerini.
Duke përsëritur qëndrimin e Greqisë, Mitsotakis tha se e vetmja mosmarrëveshje ka të bëjë me delimitimin detar, “i cili mund t’i referohet gjykimit ndërkombëtar mbi bazën e Ligjit të Detit”.
Mitsotakis, i cili ftoi Erdoganin të vizitojë Athinën për Këshillin e ardhshëm të Lartë të Bashkëpunimit, tha se është “koha për të larguar çdo kërcënim nga marrëdhëniet tona”, duke shtuar: “Nëse jo tani, kur?”
Përpara takimit të së mërkurës, udhëheqësi grek ripohoi së fundmi të drejtën e Greqisë sipas ligjit ndërkombëtar për të zgjeruar ujërat e saj territoriale në 12 milje detare.
