Shtatë persona mbetën të vrarë të enjten nga rrëzimi i një avioni biznesi Cessna 550 në Statesville, Karolina e Veriut, përfshirë ish-pilotin e NASCAR, Greg Biffle, njoftoi NASCAR.
Avioni u rrëzua në Aeroportin Rajonal të Statesville në Karolinën e Veriut. Patrulla e Autostradave të Karolinës së Veriut tha se besohet se Biffle dhe anëtarë të familjes së tij të ngushtë ishin në mesin e të vrarëve, por për shkak të një zjarri të rëndë pas rrëzimit, konfirmimi zyrtar nuk ka përfunduar ende. Avioni ishte i regjistruar në emër të një kompanie të lidhur me Biffle.
Zyrtarët do paraqesin një listë të shtatë pasagjerëve sapo të bëhet konfirmimi nga zyra e mjekësisë ligjore.
Avioni ishte drejtuar për në Florida, por pak pas ngritjes provoi të kthehej në aeroportin e Karolinës së Veriut për shkak të motit të keq rreth orës 10:15 paradite, sipas FlightAware, një faqe për gjurmimin e avionëve.
Një foto e postuar nga mediat lokale dhe rrjetet sociale tregonte një zjarr të madh në pistë mes mbetjeve të avionit. Bordi Kombëtar i Sigurisë së Transportit (NTSB) po dërgon një ekip në vendngjarje dhe do të informojë mediat të premten mbi hetimin.
Biffle, 55 vjeç, fitoi 19 gara të Cup Series gjatë 20 viteve. Gara e tij e fundit në qark ishte Geico 500 e vitit 2022 në Talladega. Ai u emërua si një nga 75 Pilotët më të Mëdhenj të NASCAR në vitin 2023, shkruan Reuters.
