Pas një viti të shkëlqyer 2025, investitorët presin që aksionet në bankat evropiane të vijojnë të rriten në 2026, të mbështetur nga fitimet e forta dhe nga kursimet e kostove që rrjedhin nga inteligjenca artificiale (AI).
Ndërsa frika nga një recesion dhe ulja e normave të interesit nga Banka Qendrore Evropiane janë zbutur, investitorët janë kthyer edhe më pozitivë ndaj bankave evropiane, duke rishikuar pritshmëritë e tyre për sektorin, pavarësisht një sfondi të ndërlikuar.
Ndërkohë, inteligjenca artificiale është shfaqur si një forcë e re që tërheq investitorët drejt aksioneve të huadhënësve evropianë, pjesërisht sepse mungesa e kompanive të teknologjisë në rajon ka detyruar shumë të gjuajnë për përfitues të AI në tregjet e “ekonomisë së vjetër”.
Bankat kanë filluar të përdorin AI-në për të përmirësuar efikasitetin operativ dhe zbulimin e mashtrimit, si dhe për të ulur kostot e stafit.
“Bankat evropiane mund të jenë një përfitues i vërtetë i AI-së.” – tha Helen Jeëell, shefe e investimeve për aksionet themelore në BlackRock, menaxheri më i madh i aseteve në botë, me rreth 12 trilionë dollarë nën menaxhim.
UBS tha në një shënim për investitorët se e shohin AI-në si një burim kyç të avantazhit potencial për vlerësimet afatshkurtra dhe fitimet afatgjata të bankave, shkruan Reuters.
