Kancelari gjerman Friedrich Merz pritet të mbërrijë në Izrael muajin e ardhshëm për një vizitë zyrtare, duke shënuar udhëtimin e parë nga një drejtues i një shteti evropian prej shumë kohësh dhe vizitën e parë të Merz në Izrael që nga marrja e detyrës në shkurt.
Vizita vjen pak ditë pasi Gjermania njoftoi se do heqë embargon e pjesshme të armëve të vendosur ndaj Izraelit gjatë luftës. Berlini tha se vendimi pasoi marrëveshjen e armëpushimit në Gaza, shkruan Ynet.
Sipas zyrtarëve izraelitë, ky hap u bashkërendua në bisedat e fundit midis kryeministrit Benjamin Netanyahu dhe Merz, si dhe midis ministrit të Jashtëm Gideon Sa’ar dhe homologut të tij gjerman, ministrit të Jashtëm Johann Wadephul, i cili vizitoi Izraelin së fundmi. Itinerari i plotë i Merz nuk është publikuar ende.
