Një operacion kërkimi vijoi të martën në Vietnam pasi rrëshqitjet e dheut vranë të paktën shtatë persona dhe lanë disa të tjerë të zhdukur, sipas mediave lokale.
Departamenti i Menaxhimit të Fatkeqësive tha se një total prej 14 personash vdiqën ose mbetën të zhdukur pasi shiu i rrëmbyeshëm dhe rrëshqitjet e dheut që nga e diela kishin goditur Vietnamin.
Deri më tani, shtatë persona kanë vdekur dhe dy mbeten të zhdukur në provincën Khanh Hoa, me gjashtë nga vdekjet të raportuara pasi një autobus pasagjerësh u varros nga një rrëshqitje dheu për shkak të shirave të dendur natën e së Dielës, shtoi ai.
Autobusi, i cili transportonte 32 persona, duke përfshirë dy shoferë dhe një asistent, u godit nga një rrëshqitje dheu ndërsa kalonte nëpër një seksion të ndjeshëm. Moti i ashpër ka shkaktuar gjithashtu dëme të mëdha në prona dhe bujqësi, me pothuajse 15,000 shtëpi të përmbytura dhe rreth 5,900 njerëz të evakuuar në vende më të sigurta.
