Presidenti i SHBA-së, Donald Trump, së bashku me Zonjën e Parë Melania Trump, po zhvillojnë një vizitë shtetërore në Mbretërinë e Bashkuar. Ata u pritën në Londër nga personalitete të larta dhe anëtarë të Forcave Ajrore Mbretërore.
Më vonë gjatë ditës, çifti presidencial do të udhëtojë drejt Kështjellës Windsor, ku do të mirëpriten nga Mbreti Charles III dhe Mbretëresha Camilla në një ceremoni madhështore festive, shkruan CNN.
Vizita shënohet gjithashtu nga nënshkrimi i një pakti të rëndësishëm teknologjik mes SHBA-së dhe Britanisë, i cili pritet të sjellë miliarda dollarë investime në fushat e inteligjencës artificiale, informatikës kuantike dhe energjisë bërthamore.
