Ministri i Mbrojtjes, Pirro Vengu, njofton se helikopterët e Forcës Ajrore dhe ata nga Emiratet e Bashkuara Arabe po operojnë në Fushë Arrëz për të ndihmuar në fikjen e zjarreve.
Ai thekson se ndërhyrja nga ajri ka ulur ndjeshëm intensitetin e flakëve dhe ka mbështetur banorët dhe natyrën në zonën e prekur.
“Një tjetër ditë në luftë me flakët nga ajri në Fushë Arrëz.
Helikopterët e Forcës Ajrore dhe ata nga Emiratet e Bashkuara Arabe dominuan qiellin dhe ndihmuan forcat në tokë për të vendosur nën kontroll flakët.
Heronjtë e qiellit ulën ndjeshëm intensitetin e zjarreve, duke u ardhur në ndihmë banorëve dhe natyrës në zonën e veshur me kurorën e gjelbër.”
