Shefi i Shtabit të IDF-së, Gjenerallejtënant Eyal Zamir, zbuloi të mërkurën se njësitë komando tokësore izraelite operuan fshehurazi brenda Iranit gjatë fushatës ushtarake 12-ditore, duke mundësuar mbizotërim ajror të paparë mbi territorin iranian.
Zbulimi konfirmon operacionet e depërtimit të thellë që përfshijnë forca elitare që kryejnë përcaktimin e objektivave, mbledhjen e inteligjencës dhe mashtrimin taktik për të paralizuar mbrojtjen iraniane, shkruan Ynet.
Zamir i vlerësoi në mënyrë të qartë këto operacione të kombinuara ajër-tokë për arritjen e “superioritetit të plotë ajror në çdo vendndodhje që zgjodhëm të vepronim”.
Aktivitetet e komandove plotësuan operacionet e Mossadit që ishin ekspozuar tashmë pas sulmeve fillestare të misionit.
Zamir pohoi se programi bërthamor i Iranit pësoi dëme sistemike “të rënda, të gjera dhe të thella”, me inteligjencën ushtarake. Ai theksoi se sulmet i kanë goditur në mënyrë të rëndë objektet, fabrikat, vendet industriale dhe qendrat e inteligjencës, duke u zotuar: “Ne nuk do e lejojmë Iranin të zhvillojë armë të shkatërrimit në masë”.
Shefi i IDF-së e paraqiti operacionin si një kundërpërgjigje ndaj tre kërcënimeve strategjike të Iranit: programit të tij të përparuar bërthamor që po i afrohet aftësisë së armëve; arsenalit të tij prej mijëra raketash me rreze të gjatë veprimi të projektuara për të paralizuar Izraelin dhe “planit të tij aktiv për të shkatërruar Izraelin”, i cili përfshinte përgatitje për një “pushtim tokësor në shumë arena” të koordinuar me sulme masive raketore.
