Forcat izraelite vranë të paktën 40 palestinezë në Gaza dhe urdhëruan evakuime të reja të martën, thanë mjekët vendas dhe banorët, në një gjakderdhje të mëtejshme menjëherë pasi Izraeli dhe Irani ranë dakord për një armëpushim në luftën e tyre ajrore.
Marrëveshja Izrael-Iran e shpallur nga presidenti i SHBA-së Trump ngriti shpresat midis palestinezëve për një fund të luftës prej më shumë se 20 muajsh në Gaza që ka shkatërruar gjerësisht territorin dhe ka zhvendosur shumicën e banorëve, të kequshqyer prej muajsh, shkruan Reuters.
Ushtria izraelite tha se një grumbullim gjatë natës u identifikua ngjitur me forcat që vepronin në Korridorin qendror Netzarim të Gazës dhe po shqyrtonte raportet për viktima.
Duke iu përgjigjur një kërkese të Reuters për koment, GHF tha në një email se nuk ka pasur incidente pranë vendit të tyre të ndihmës, qw ndodhej disa kilometra në jug të Korridorit Netzarim.
Kamionët e ndihmës së OKB-së që hyjnë në Gaza përdorin gjithashtu rrugët e zonës dhe palestinezët kanë raportuar në ditët e fundit vrasje njerëzish nga zjarri izraelit ndërsa prisnin në anë të rrugëve për të marrë qese me miell nga kamionët.
