Kandidati për zgjedhjet presidenciale të vitit 2026 në Kolumbi, Miguel Uribe Turbay, është plagosur rëndë pas një sulmi me armë zjarri gjatë një tubimi elektoral të mbajtur të shtunën në një park të Bogotës. Politikanit 39-vjeçar po i ofrohet ndihmë mjekësore në një spital të kryeqytetit, ku ndodhet nën kujdes intensiv.
Forcat e sigurisë reaguan menjëherë dhe arrestuan një 15-vjeçar në vendngjarje, i cili dyshohet si autor i sulmit. Motivet e ngjarjes mbeten ende të paqarta, ndërsa hetimet janë në vijim.
Partia e Uribes, Centro Democrático, e ka cilësuar incidentin si një kërcënim serioz ndaj demokracisë dhe lirive themelore në vend. Edhe presidenti aktual Gustavo Petro dënoi ashpër sulmin, duke e përshkruar atë si një akt dhune kundër rendit demokratik.
Reagime kanë ardhur edhe nga ndërkombëtarët. Sekretari i Shtetit i SHBA-së, Marco Rubio, e cilësoi ngjarjen si një kërcënim për stabilitetin demokratik në të gjithë rajonin.
Miguel Uribe, ish-senator dhe përfaqësues i së djathtës kolumbiane, shpalli kandidaturën për president në tetor të vitit të kaluar. Ai është një nga figurat më të njohura të opozitës në vend.
Autoritetet kanë ofruar një shpërblim prej rreth 730,000 dollarësh për çdo informacion që ndihmon në zbardhjen e plotë të ngjarjes.
Este es el momento exacto en el que Miguel Uribe Turbay, el candidato presidencial colombiano, ha recibido los disparos en la cabeza de un sicario. pic.twitter.com/ieoBMEtSzR
— Juan Diego Quesada (@jdquesada) June 7, 2025
