Procter & Gamble ka thënë se do të shkurtojë 7,000 vende pune gjatë dy viteve të ardhshme si pjesë e një përpjekjeje për të zvogëluar portofolin e saj dhe për të ulur kostot.
Prodhuesi i markave shtëpiake, përfshirë Gillette dhe Tide, zbuloi shkurtimet prej 15 përqind të roleve të tij joprodhuese në një konferencë në Paris të enjten, si dhe planet për të shitur një numër kategorish dhe markash dhe për të ristrukturuar organizatën.
Kompania nuk specifikoi se ku do bëheshin shkurtimet e vendeve të punës, shkruan FT.
Drejtori financiar Andre Schulten tha të enjten se kompania do nisë programin e ristrukturimit në gjysmën e dytë të vitit, i cili do përfshijë shkurtimin e ekipeve të menaxhimit dhe përdorimin e automatizimit dhe “dixhitalizimit”.
Në një përmbledhje të prezantimit të postuar në internet, P&G tha se ristrukturimi do rriste produktivitetin e saj në planin afatgjatë dhe do ndihmonte në madhësinë e duhur të zinxhirit të furnizimit për të “nxitur efikasitetin, inovacionin më të shpejtë” dhe “uljen e kostove”.
Kompania tha se kjo nuk ishte një masë reaktive për uljen e kostove në përgjigje të paqëndrueshmërisë së fundit të tregut, por më tepër një mjet për të përmirësuar operacionet e saj. P&G vlerëson se plani do të kushtojë midis 1 miliard dhe 1.6 miliard dollarë.
