Policia e Korçës ka finalizuar me sukses operacionin policor të koduar “Porta”, që kishte për objektiv goditjen e veprimtarisë kriminale të shpërndarjes së lëndëve narkotike në doza të vogla në qytet.
Në kuadër të këtij operacioni, janë arrestuar në flagrancë dy persona, A. B., 35 vjeç, banues në Korçë, i cili ndodhej me masë sigurie “Arrest në shtëpi” për të njëjtën vepër penale, dhe T. Gj., 31 vjeç, banues në fshatin Bulgarec, i cili ishte nën masën “Detyrim paraqitjeje” për veprën penale “Mashtrimi kompjuterik”.
Gjatë kontrollit të banesës së 35-vjeçarit dhe kontrollit fizik ndaj 31-vjeçarit, u sekuestruan sasi të lëndës narkotike të dyshuar si kanabis.
Njoftimi:
Finalizohet operacioni i koduar “Porta”, për goditjen e veprimtarisë kriminale të shitjes së lëndëve narkotike, në doza.
Vihen në pranga një 35-vjeçar dhe një 31-vjeçar, bashkëpunëtorë për shitjen e dozave të kanabisit në qytetin e Korçës.
35-vjeçari, ndërkohë që ishte me masë sigurie “Arrest në shtëpi”, për veprën penale “Prodhimi dhe shitja e narkotikëve”, përgatiste dozat e kanabisit, ndërsa 31-vjeçari i merrte dhe i shiste në qytet.
Sekuestrohen doza kanabisi që u gjetën në banesën e 35-vjeçarit dhe gjatë kontrollit fizik ndaj 31-vjeçarit.
Specialistët e Seksionit për Hetimin e Narkotikëve të DVP Korçë, në bashkëpunim me Forcën e Posaçme “Shqiponja”, si rezultat i veprimeve hetimore të kryera pas informacioneve të siguruara nga inteligjenca informative, goditën një rast të shitjes së lëndëve narkotike, në doza. Në vijim të veprimeve për këtë rast, në kuadër të operacionit të koduar “Porta”, u arrestuan në flagrancë për veprën penale “Prodhimi dhe shitja e narkotikëve”, kryer në bashkëpunim, shtetasit:
- B., 35 vjeç, banues në Korçë, aktualisht me masë sigurie “Arrest në shtëpi”, për veprën penale “Prodhimi dhe shitja e narkotikëve”;
- Gj., 31 vjeç, banues në fshatin Bulgarec, aktualisht me masë “Detyrim paraqitjeje”, për veprën penale “Mashtrimi kompjuterik”.
Shtetasi T. Gj. u kap në flagrancë, në lagjen nr. 18., Korçë, me doza të lëndës së dyshuar narkotike kanabis, të cilat sapo ia kishte marrë shtetasit A. B., me qëllim shitjen në qytet.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
