Policia e Tiranës ka finalizuar operacionin “Ndalesa”, duke arrestuar Florian Buçkën, 46 vjeç, i shpallur në kërkim. Ai ishte dënuar me 7 vjet e 3 muaj burg për “Prodhim dhe shitje narkotikësh” dhe “Futja dhe mbajtja e sendeve të ndaluara në burg”.
Kapja u bë në rrugën “Ali Demi” nga Policia e Komisariatit Nr. 1 në bashkëpunim me Seksionin e Narkotikëve.
Njoftimi:
Tiranë/Vijojnë operacionet për kapjen e personave në kërkim.
Finalizohet operacioni policor i koduar “Ndalesa”
Kapet dhe ndalohet 46-vjeçari i dënuar me 7 vjet e 3 muaj burgim për veprat penale “Prodhim dhe shitje narkotikësh dhe “Futja dhe mbajtja e sendeve të ndaluara në institucionin e ekzekutimit të vendimeve në burg”.
Shërbimet e Komisariatit të Policisë Nr. 1, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë operative, për vendndodhjen e një shtetasi në kërkim, organizuan dhe finalizuan operacionin policor të koduar “Ndalesa”.
Si rezultat i këtij operacioni, në rrugën “Ali Demi”, në bashkëpunim dhe me Seksionin e Narkotikëve u bë kapja dhe arrestimi i shtetasit:
– Florian Buçka, 46 vjeç, banues në Tiranë.
Ky shtetas ishte shpallur në kërkim, pasi Gjykata e Tiranës e ka dënuar me 7 vjet e 3 muaj burgim për veprat penale “Prodhim dhe shitje narkotikësh dhe “Futja dhe mbajtja e sendeve të ndaluara në institucionin e ekzekutimit të vendimeve në burg”.
Materialet procedurale iu referuan Prokurorisë së Tiranës, për veprime të mëtejshme.
