Një kamion që udhëtonte në një autostradë në Bolivinë jugore u përplas me një autobus herët të hënën në mëngjes, duke çuar në daljen e autobusit nga rruga dhe duke vrarë të paktën 31 persona, tha policia.
Duke folur për gazetarët, zëdhënësi i policisë Limbert Choque konfirmoi numrin e të vdekurve, që ai tha se përfshinte burra dhe gra, pasi ambulancat dhe automjetet e urgjencës mbërritën në vendin e aksidentit. 22 persona të tjerë kanë pësuar lëndime.
Presidenti Luis Arce shprehu ngushëllimet për viktimat në rrjetet sociale.“Kjo ngjarje fatkeqe duhet hetuar për të vendosur përgjegjësitë”, tha ai në një postim në Facebook.
“Familjeve të viktimave u dërgojmë ngushëllimet tona më të sinqerta, duke i uruar forcën e nevojshme për të përballuar këto kohë të vështira.”
Policia tha se autobusi u rrotullua rreth 500 metra në një përroskë pas përplasjes, e cila ndodhi në autostradën midis Oruros, në Altiplano boliviane, dhe qytetit malor të minierave Potos.
Drejtuesi i kamionit është arrestuar, shtoi policia, ndërsa po hetohet për shkaqet e aksidentit.Përplasja vjen vetëm disa ditë pasi më shumë se tre duzina njerëz u vranë në të njëjtin rajon pasi dy autobusë u përplasën.
