Edhe sot kryeministri Edi Rama ka bërë një koment lidhur me tubimin e radhës të fushatës të rivalit të tij Lulzim Basha.
Ai vijon të krahasojë pamjet e takimeve të Bashës me mbështetësit e tij, me pamjet nga dy tendar e ngritura në Sheshin Skënderbej në kryeqytet ku po kryhet vaksinimi anti-Covid i qytetarëve.
Rama e quan kreun e PD-së një drejtues pa karakter, pa përgjegjshmëri dhe të pacipë, ndërsa uron që simpatizantët e tij t’i ruajë Zoti nga vdekja.
“Dy pamjet e një bote të ndarë, mes një populli që respekton rregullat, mbron jetën e vaksinohet dhe një turme që tërhiqet në rrugën e infektimit e të rrezikut për jetën, nga një drejtues pa karakter, pa përgjegjshmëri, pa cipë!
TurpLulëzim
*Zoti i ruajt të verbërit me dy gishta nga plagosja e largqoftë vdekja, siç ndodhi në Malin e Zi ku këto lloj marshimesh elektorale rritën infektimet e sollën vdekje njerëzish.”- shkruan Rama.
