Kosova ka dhuruar 500 mijë euro për të zbutur pasojat e tërmetit të fuqishëm që goditi Shqipërinë në orët e para të mëngjesit të sotëm.
Në një deklaratë për mediat nga Prishtina, kryeministri në detyrë, Haradinaj, shprehu solidaritetin dhe gatishmërinë e plotë të Kosovës për të ndihmuar Shqipërinë për të kapërcyer situatën e vështirë pas tërmetit.
Më herët nga Kosova kanë mbërritur një numër i madh personel i specalizuar për operacionet e kërkim-shpëtimit si dhe një sasi ndihmash materiale.
Një numër vendesh të rajonit, Turqia, Greqia, Rumania e Italia kanë shprehur solidaritet me Shqipërinë dhe kanë nisur personel dhe ndihma materiale.
