Afati që studentët i vendosën kryeministrit Rama që të plotësonte kërkesat e tyre ka përfunduar. Studentët shfaqen të vendosur që nuk do të negociojnë me kryeministrin dhe nuk do të tërhiqen nga protesta.
“Jo dhunë, ne jemi studentë”, kjo është thirrja më e fundit e studentëve. “Nuk ka përçarje”, është një tjetër thirrje e tyre. Ata janë duke diskutuar me njëri-tjetrin nëse do të qëndrojnë para ministrisë apo të shkojnë para kryeministrisë.
Por cili është veprimi i fundit i Ramës?
Kryeministri Rama ka publikuar së fundmi një parrullë të studentëve në Instagram dhe shkruan: “GJITHÇKA NA DUHET ESHTE TE FLASIM – Parrulla e njërës prej protestave më madhështore të vitit 2018 në Europë…”
