Ka nisur seanca gjyqësore në themel për kryebashkiakun e Tiranës, Erion Veliaj, dhe 29 persona të tjerë.
Në sallën e gjyqit janë të pranishëm dy prokurorët e çështjes, ndërsa vetë Veliaj nuk është paraqitur. Sipas gjykatës, ai ka depozituar një deklaratë ku shpreh vullnetin për t’u përfaqësuar nga avokati i tij, Plarent Ndreca, i cili ndodhet në seancë.
Gjithashtu, në seancë mungon edhe Ajola Xoxa, e cila përfaqësohet nga mbrojtësit e saj ligjorë.
Seanca pritet të vijojë me paraqitjen e qëndrimeve nga palët dhe shqyrtimin e provave në lidhje me çështjen.
