Kryeministri izraelit Benjamin Netanyahu tha të dielën se ai ka urdhëruar ushtrinë të zgjerojë pushtimin në jug të Libanit, duke u zotuar se do vijojë sulmet derisa Izraeli të arrijë objektivat e tij.
Izraeli është “i vendosur të ndryshojë rrënjësisht gjendjen në veri,” tha Netanyahu në një video-deklaratë të lëshuar në platformën sociale X.
Ai tha se operacionet ushtarake në Liban do vijonin, duke shtuar se forcat izraelite do vepronin me forcë derisa qëllimet e tyre të përmbusheshin.
Ushtria izraelite ka goditur Libanin me sulme ajrore dhe ka nisur një ofensivë tokësore në jug të Libanit që prej një sulmi ndërkufitar nga Hezbollahu më 2 mars.
Rajoni ka qenë në alarm që kur SHBA-ja dhe Izraeli nisën një ofensivë ajrore mbi Iranin më 28 shkurt, e cila deri më tani ka vrarë mbi 1,340 njerëz, përfshirë Liderin e atëhershëm Suprem, Ali Khamenei.
Irani është hakmarrë me sulme me dronë dhe raketa duke shënjestruar Izraelin, së bashku me Jordaninë, Irakun dhe vendet e Gjirit që strehojnë asete ushtarake të SHBA-së, duke shkaktuar viktima dhe dëme në infrastrukturë, si dhe duke ndërprerë tregjet globale dhe aviacionin, shkruan AA.
