Tifozët u tronditën të hënën kur fotot nga Teatri Dolby i Hollivudit goditën rrjetet sociale, duke treguar se si personazhet e listës A të Hollivudit, të cilët vazhdimisht ankohen për ndryshimet klimatike dhe çështjet mjedisore, e lanë teatrin të dukej si një kotec derrash.
Një foto e teatrit që tregonte pirgje me mbeturina, duke përfshirë shishe uji, qese me ushqime të shpejta (snack) dhe mbetje ushqimore, si dhe letra e programe, nxiti një reagim të ashpër mes ndjekësve, raportoi New York Post.
Një komentues u mahnit nga rrëmuja dhe u përgjigj: “A nuk janë disa prej tyre mjedisorë? Ku është e gjithë ajo energjia për ‘mbrojtjen e planetit’ tani?”
“Shpëtoni malet, mbajini ato pastër, bla bla bla… por shikoni rrëmujën që lënë pas,” shkroi një tjetër.
Një komentues i irrituar shtoi: “Thjesht shikoni hipokrizinë— ‘Shpëtoni Planetin’ prapanica ime! Ju njerëz, po, po— ju njerëz nuk jeni gjë tjetër veçse një tufë rreckamanësh të pistë! Mbeturina dhe fëlliqësi të lëna pas nga aparati i fryrë mediatik i njohur si ‘talent’. Çfarë tufe derrash!”
Një përdorues i platformës X vuri re se shishet plastike ishin lënë kudo nga të njëjtët njerëz që pretendojnë se janë aktivistë mjedisorë. “Është një shishe pas tjetrës,” shkroi ai.
Një tjetër sulmoi yjet e listës A, duke shkruar: “Mendoj se kur je pjesë e elitës ultra të pasur, humbet mirësjelljen bazë njerëzore.”
“Elitat bëjnë rrëmujën dhe klasa e ulët e pastron pas tyre,” tha një përdorues i X, shkruan Breitbart.
“Do të mendoje se do të kishin pak më shumë klas,” tha një përdorues i neveritur i rrjeteve sociale.
Pavarësisht rrëmujës që lanë, disa nga yjet e të dielës në Oscar përdorën kohën e tyre në ndarjen e çmimeve për të nxitur çështjet mjedisore, duke përfshirë Jane Fonda, Javier Bardem dhe Leonardo DiCaprio, vuri në dukje Post. Aktivizmi mjedisor në Oscar daton prej shumë vitesh.
