Italia po planifikon të dërgojë ndihmë për mbrojtjen ajrore në vendet e Gjirit Persik përballë sulmeve ajrore iraniane, tha të enjten kryeministrja Giorgia Meloni.
“Ashtu si Mbretëria e Bashkuar, Franca dhe Gjermania, Italia synon të dërgojë ndihmë në vendet e Gjirit, konkretisht në fushën e mbrojtjes dhe në veçanti në mbrojtjen ajrore”, tha Meloni për stacionin radiofonik RTL 102.5.
“Kjo nuk ndodh vetëm sepse ato janë kombe miqësore, por mbi të gjitha sepse dhjetëra mijëra italianë jetojnë në rajon dhe rreth 2,000 trupa italiane janë të vendosura atje, njerëz që ne duam dhe duhet t’i mbrojmë”, shtoi ajo.
