Shtatë turistë nga Kina humbën jetën në Rusi pasi automjeti me të cilin udhëtonin ra në ujë përmes akullit të hollë në liqenin Baikal.
Sipas Euronews, makina po lëvizte mbi akull jashtë një kalimi zyrtar të miratuar. Në një zonë me akull të hollë u krijua një çarje, duke bërë që automjeti të fundosej në një thellësi rreth 18 metra.
Nga nëntë personat në bord, vetëm një turist arriti të dalë gjallë dhe ka dhënë dëshmi para hetuesve. Viktimat përfshijnë drejtuesin e mjetit dhe shtatë turistë, mes tyre një çift me një djalë 14-vjeçar.
Zhytësit po punojnë në vendngjarje, ndërsa raportohet se trupat e të gjitha viktimave janë lokalizuar. Autoritetet kanë nisur një hetim penal për ofrim shërbimesh që nuk përmbushin standardet e sigurisë.
Gjatë dimrit, Liqeni Baikal është një destinacion i njohur turistik, ku organizohen ekskursione dhe lëvizje me automjete mbi akull. Megjithatë, trashësia e akullit mund të ndryshojë ndjeshëm për shkak të erës, rrymave ujore dhe diferencave të temperaturës, duke rritur rrezikun për aksidente të tilla.
