Policia kanadeze konfirmoi dhjetë të vdekur dhe të paktën 35 të plagosur pas të shtënave masive në shkollën e mesme “Tumbler Ridge”. Agresori, i cili vrau edhe veten, u identifikua nga një anëtar i afërt i familjes si Jesse Strang, një person transgjinor që përdorte përemrat ‘ajo/saj’.
Mbikëqyrësi kryesor i Distriktit Verior, Ken Floyd, deklaroi: “Kjo ishte një situatë që u zhvillua shpejt dhe në mënyrë dinamike, dhe bashkëpunimi i shkollës, reaguesve të parë dhe komunitetit luajti një rol kritik në përgjigjen tonë. Mendimet tona janë me familjet dhe të dashurit e viktimave.”
Sipas xhaxhait të agresorit, Jesse Strang filloi të identifikohej si grua rreth vitit 2023. Ai vinte nga një familje që vlerësonte gjuetinë dhe kishte mësuar të gjuante që në moshë të vogël, shkruan Hungarianconservative.
Strang dyshohet se mbante disa armë zjarri në shtëpi, ndërsa një llogari në YouTube e lidhur me të shfaqte një flamur transgjinor dhe një pushkë SKS. Nëna e tij raportoi se ai kishte probleme sjelljeje dhe tendenca të dhunshme që në moshë të hershme.
Materialet e publikuara online tregojnë Strang duke gjuajtur me armë në poligon dhe duke postuar përvojat e tij në forumet e armëve.
Më vonë, manifesti i agresorit tregoi një pendim lidhur me tranzicionin e tij, duke shprehur keqardhje dhe dëshirë për të mos e ndjekur procesin transgjinor.
